Densaýlyq saqtaý mınıstri jedel járdem kólikteriniń ábden tozǵanyn rastady, dep habarlaıdy “Adyrna” ulttyq portaly.
Densaýlyq saqtaý mınıstrligi jedel járdemge qatysty uıǵarymyn jarııalady.
Qazaqstanda jedel medıınalyq járdem (JMJ) qyzmeti 20 derbes stanııadan, 98 qalalyq qosalqy stanııadan turady. Buǵan qosa, 232 aýdandyq bólimshelerde 1 486 kóshpeli brıgada jumys isteıdi: qalalarda – 904, aýyldarda – 582.
Mınıstrliktiń málimetinshe, 2024 jyldyń 9 aıynyń qorytyndysynda JMJ brıgadalaryn shaqyrtý sany 4,4%-ǵa artqan. Jyl basynan beri turǵyndar jedel járdemdi 6,3 mıllıon ret shaqyrtqan. Byltyrǵy 9 aıda – 6,1 mıllıon shaqyrtý tirkelgen.
Onyń ústine Densaýlyq saqtaý mınıstriniń 2020 jylǵy 30 qarashadaǵy №QR DSM-225/2020 buıryǵymen bekitilgen "Jedel medıınalyq járdem, onyń ishinde medıınalyq avıaııany tarta otyryp kórsetý qaǵıdalaryna" sáıkes, barlyq kelip túsken shaqyrtýlar jedeldiliktiń 4 sanaty boıynsha bólip tastalady:
1-shi jedeldilik sanatyndaǵy shaqyrtý – adam ómirine tikeleı qaýip tónip turǵan, shuǵyl túrde medkómek kórsetýdi qajet etetin jaı-kúı: jedel járdem kóligi 10 mınýt ishinde kelip jetýge tıis.
2-shi jedeldilik sanatyndaǵy shaqyrtý – medkómek kórsetpese, onda ómirine qaýip tónýi múmkin jaı-kúı: 15 mınýt ishinde kelýi shart.
3-shi jedeldilik sanatyndaǵy shaqyrtý – medkómek kórsetpese, DENSAÝLYǴYNA qaýip tónýi múmkin jaı-kúı: 30 mınýt ishinde jetýge mindetti.
4-shi jedeldilik sanatyndaǵy shaqyrtý – jiti aýrýynan nemese sozylmaly aýrýynyń asqynýynan týyndaǵan, aǵzalar men júıelerdiń kenetten bolǵan jáne aıqyn kórinetin buzylýlarynsyz paıenttiń ómiri men densaýlyǵyna tikeleı jáne áleýetti qaýip tóndirmeıtin paıenttiń jaı-kúıi: JMJ-ny kútý 60 mınýtqa deıin uzaýy yqtımal. Odan aspaýy kerek.
Májilismen Danabek Isabekov dárigerlik brıgada týraly aıtty.
"Qaǵıdalarda dárigerlik brıgadanyń dıspetcherden paıentke deıin jetý ýaqyty aıqyn belgilengen. Degenmen, kentter men aýyldarda da, tipti iri qalalarda da normamen belgilengen ýaqytta jedel járdem qyzmetiniń jetpeıtinin jıi estımiz. Mundaı jaǵdaı meniń áýletimde de oryn aldy. Naqtyraq aıtqanda, bıylǵy 23 shildede ákem kenetten aýyryp, jedel járdem qyzmetin saǵat 13:50-te shaqyrttyq. Alaıda jedel járdem 30 mınýttan soń keldi. Bul aralyqta ákemniń jaǵdaıy óte aýyrlap qaldy. Basqa emes, úshinshi megapolıs Shymkenttiń jedel járdemi 2-shi jedeldik sanatyndaǵy syrqatqa 15 mınýtta jetýge tıis edi. Biraq keshikkennen keıin tıisti járdemin kórsete almaı, ákemizden aıyrylyp qaldyq", – dep azalandy májilismen Danabek Isabekov.
Depýtat jedel járdemniń óz jumysyna nemquraıly qaramaýynda surady.
"Jedel járdem óz ýaqytynda kelse, kóp azamatymyzdy ajaldan arashalap qalýǵa múmkindik bolar edi. Qaǵıdanyń normalary kóp jaǵdaıda saqtalmaıdy. Keıde jedel járdem bir saǵattan asa keshigedi. Muny qalaı "jedel járdem" dep ataýǵa bolady? Máselen, AQSh, Kanada, Jańa Zelandııa, Avstrııa, Irlandııa jedel járdemi qyzmetiniń basty ereksheligi – óte shuǵyl (ekstrennyı), shuǵyl (neotlojnyı) dep ekige bólinip naýqastarǵa qyzmet kórsetedi. Osy tájirıbeni bizge de engizý qajet", – dedi depýtat Danabek Isabekov.
