Senat depýtaty Marat Qojaev jýrnalısterdiń suraqtaryna jaýap bere otyryp, Qyzylorda oblysynda jynystyq quldyqqa túsken 16 jastaǵy qyzdyń jaǵdaıyna túsinikteme berdi, dep habarlaıdy "Adyrna" ulttyq portaly.
Ishki ister mınıstriniń orynbasary bolǵan senator jynystyq quldyqqa ushyraǵan qyz balanyń isine qatysty sot otyrysynyń jabyq rejımde ótetinin aıtty.
"Maǵan jýrnalısterdiń logıkasyn baqylaý qyzyq, sizder eger shý shyǵarsaq… Iá, onyń paıdasy bar. Bul alynǵan dáleldemelerdi proedýralyq baǵalaýǵa muqııat qaraýdy yntalandyrady, biraq taǵy da aıtaıyn sotta sizder áleýmettik jelilerde kóteretin shý emes, tek proedýralyq dálelder baǵalanady", – dedi ol.
Marat Qojaev buqaralyq aqparat quraldaryn "jaǵdaıdy asyqtyrady" dep aıyptady.
"Jurtshylyqta qorqynysh joq. Bul jaǵdaıdy, aqparattyq resýrstar – sizder asyqtyrasyzdar. Meniń oıymsha, halyqtyń basym kópshiligi elimizdiń quqyqtyq júıesine senedi", – dedi ol.
