Сенат депутаты Марат Қожаев журналистердің сұрақтарына жауап бере отырып, Қызылорда облысында жыныстық құлдыққа түскен 16 жастағы қыздың жағдайына түсініктеме берді, деп хабарлайды "Адырна" ұлттық порталы.
Ішкі істер министрінің орынбасары болған сенатор жыныстық құлдыққа ұшыраған қыз баланың ісіне қатысты сот отырысының жабық режимде өтетінін айтты.
"Маған журналистердің логикасын бақылау қызық, сіздер егер шу шығарсақ… Иә, оның пайдасы бар. Бұл алынған дәлелдемелерді процедуралық бағалауға мұқият қарауды ынталандырады, бірақ тағы да айтайын сотта сіздер әлеуметтік желілерде көтеретін шу емес, тек процедуралық дәлелдер бағаланады", – деді ол.
Марат Қожаев бұқаралық ақпарат құралдарын "жағдайды асықтырады" деп айыптады.
"Жұртшылықта қорқыныш жоқ. Бұл жағдайды, ақпараттық ресурстар – сіздер асықтырасыздар. Менің ойымша, халықтың басым көпшілігі еліміздің құқықтық жүйесіне сенеді", – деді ол.
