Marat Qojaev Qazaqstan Parlamenti Senatynyń depýtaty bolyp taǵaıyndaldy. Ol Ishki ister mınıstriniń birinshi orynbasary laýazymynan bosatyldy. Bul týraly Aqorda jarııalady, dep habarlaıdy “Adyrna” ulttyq portaly.
«Memleket basshysynyń ókimimen Marat Shádethanuly Qojaev Qazaqstan Respýblıkasy Ishki ister mınıstriniń birinshi orynbasary laýazymynan bosatyldy. Memleket basshysynyń Jarlyǵymen Marat Shádethanuly Qojaev Qazaqstan Respýblıkasy Parlamenti Senatynyń depýtaty bolyp taǵaıyndaldy», - delingen qujatta.
Ol 1964 jyl 23 aqpanda dúnıege kelgen.
1989 jyly KSRO IIM Qaraǵandy joǵary mektebin bitirip, 2001 jyly Qazaqstan Respýblıkasy IIM akademııasyn zań fakýltetin bitirdi.
1984-1985 jyly - Almaty oblysy Ishki ister departamenti Qaskeleń aýdany ishki ister bóliminiń ýaqytsha ustaý abaqtysynyń polıııa qyzmetkeri;
1985-1989 jyldary - KSRO IIM Qaraǵandy joǵary mektebiniń stýdenti;
1989-1996 jyldary - Almaty oblysy IID III, Qaskeleń aýdandarynyń tergeýshisi;
1996-1997 jyldary - Almaty oblysy boıynsha Memlekettik tergeý komıtetiniń aǵa tergeýshisi, basqarma bastyǵy. Almaty oblysy Ishki ister departamentiniń tergeý qyzmetiniń aýyr qylmystaryn tergeý bóliminiń bastyǵy;
1997 jyly - Almaty oblysy Ishki ister departamentiniń tergeý qyzmetiniń bastyǵy;
1997-2001 jyldary - Kóliktegi Ishki ister boıynsha Shyǵys dırekııasynyń tergeý qyzmetiniń bastyǵynyń orynbasary;
2001-2004 jyldary - Almaty qalasy IIB Tergeý basqarmasynyń bastyǵy, tergeý bóliminiń bastyǵy, tergeý bóliminiń bastyǵy;
2004-2007 jyldary - Almaty qalasy ishki ister departamenti bastyǵynyń orynbasary;
2007-2009 jyldary - Almaty qalasyndaǵy ekonomıkalyq jáne sybaılas jemqorlyq qylmystarymen kúres bóliminiń meńgerýshisiniń orynbasary (tergeý);
2009-2012 jyldary - Jambyl oblysy Ishki ister departamenti bastyǵynyń orynbasary;
2012-2014 jyldary - Qazaqstan Respýblıkasy IIM Tergeý komıtetiniń tóraǵasy;
2014 jyldyń qyrkúıek aıynan 2017 jyldyń jeltoqsanyna deıin - Pavlodar oblysy IID bastyǵy.
2017 jylǵy jeltoqsanda - Astana qalasy Ishki ister departamentiniń bastyǵy.
2019 jyldyń sáýir aıynda Memleket basshysynyń ókimimen Qazaqstan Respýblıkasy Ishki ister mınıstriniń birinshi orynbasary qyzmetine taǵaıyndaldy.
Memlekettik jáne halyqaralyq syılyqtar, júldeler, qurmetti ataqtar: «3 dárejeli minsiz qyzmet úshin» medali, «IIM-niń eńbek sińirgen qaıratkeri» tósbelgisi.
Aıta keteıik, buǵan deıin Senat depýtaty Lázzat Qaltaevanyń ókilettigi toqtaǵanyn habarladyq.
