Qyzylordada 15 jastaǵy ulynan aıyrylǵan áke sot otyrysyna qatysty shaǵymyn aıtty, dep habarlaıdy "Adyrna" ulttyq portaly.
Stan.kz málimetinshe, 43 jastaǵy Medeý Arystanbek esimdi azamat uly Abdýl-Azız ózinen 9 jas úlken jigitterdiń álimjettiginen kóz jumǵan aıtqan bolatyn. Úsh bala tárbıelep otyrǵan jalǵyzbasty áke qazir sot proesi múlde aqylǵa syımaıtyn formatta ótip jatqanyna shaǵymdanýda.
Onyń sózinshe, birinshi sot otyrysyn esh habarlamastan jábirlenýshi taraptyń qatysýynsyz ótkizip jibergen. Al úshinshi sot otyrysy ýaqytynda bastalmaǵan. Sebebi sol kezde prokýror men aıyptalýshynyń advokaty bir kabınette aqyldasyp otyrǵan.
“2021 jyly jubaıym úsh balamdy tastap ajyrasyp ketti. Eki qyzym men jalǵyz ulym osy edi. Ózi sportshy boldy. 90 keli salmaqta oblystyq qol kúresinen 1-2-oryndy eshkimge bermeı kele jatqan. 15 jasta áli súıegi qatpaǵan bala edi”, – dedi Medeý Arystanbek.
Kóz jumǵan oqýshy Abdýl-Azızdyń isi Jańaqorǵan aýdandyq sotynda qaralyp jatyr.
“Tergeý isi tolyq aıaqtalmaǵan. Solaı sotqa ótkizip jiberip otyr. Ony bizge de eskertpegen. Tergeýdiń sotqa jetkenin keıin ǵana bildim. Birinshi sot otyrysy bolaıyn dep jatyr degen habarlama da, shaqyrtý da kelmedi. Jábirlenýshiler tarapynan bul otyrysqa qatyspadyq ta. Aıyptalý aktisin zań boıynsha tergeýshi maǵan aldyn ala berýi kerek eken. Al olar bolsa aktini maǵan 20 kúnnen keıin ekinshi sot otyrysy kezinde berip tur. Onda da sot ústinde berdi. Keshegi úshinshi sot otyrysy 15:30-da bastalýy kerek bolǵan. Alaıda bastalmaı kútip qaldyq. Bolmaǵan soń saǵat tórtterde meniń advokatym “bul ne degen bassyzdyq” dep sot zalynan shyqqan kezde ózge kabınetten prokýror men aıyptalýshynyń advokaty bir jerde otyrǵanyn kórdi. Sot keshigip, bastalmaı jatty. Al olar bolsa bir bólmede neni aqyldasyp otyrǵandary belgisiz. Kúdik kóp, ádiletsiz bolǵaly tur, – dedi marqumnyń ákesi.
Medeý Arystanbek sol iske qatysy bar úsh uldyń bireýi ǵana kináni moınyna alyp otyrǵanyn jetkizdi. Al qalǵan ekeýi kúdikti bolýdyń ornyna kýágerge aınalyp ketken eken.
Jábirlenýshi tarap basty kúdikti bolyp, qamaýda 24 jastaǵy jigit otyrǵanyn habarlady. Al tóbelestiń basty sebebi álimjettik eken. Medeý Arystanbek aýylda úlken jigitterdiń kishkentaılardan aqsha jınaıtynyn da jasyrmady.
