17 jastaǵy jasóspirim lıftte 5 jáne 13 jastaǵy qyzdarǵa jynys múshesin kórsetken, dep habarlaıdy "Adyrna" ulttyq portaly.
Jaǵa ustatarlyq oqıǵa týraly «Ne molchı KZ» qory jazdy. Bul iske qatysty Mańǵystaý oblystyq PD baspasóz qyzmeti túsinikteme berdi.
Kámeletke tolmaǵan balalardyń anasy «Ne molchı KZ» qoryna qazirgi jaǵdaıdy aıtqan.
«11 qazan kúni túski ýaqytta podezge kirgen. 13 jastaǵy qyz bala jigitti rıýkzagynyń jarqyraǵanynan birden baıqap, ony buryn kórmegenin, jańadan kelgen kórshi bolar dep oılaıdy. Ol qyzdardan buryn podezge kirip úlgergen. Arada 2-3 mınýt ótkende anasy telefonynyń kamerasyn qosyp, júgirip shyǵady. Sebebi qyzy qońyraý shalyp, bireý renjitkenin aıtyp jylaıdy.
Belgili bolǵan, jas jigit olardy kireberiste kútip alyp, artynsha lıft jabylmaı jatyp, jynys múshelerin ashyp kirip, qyzdarǵa tıise bastaǵan. 13 jastaǵy qyz bala sileıip qatyp qalyp, múlde qozǵala da, aıqaılaı da almaı qalady. Bes jastaǵy sińilisiniń úreılengen kózderin kórgende ǵana «júgir, júgir» dep aıta alǵan. Sodan keıin ǵana olar dalaǵa júgirip shyqqan.
Qyzdardyń anasy balalaryn dereý ýchaskelik polıııa qyzmetkerine apardy. Kamerada túsip qalǵan vıdeo oqıǵany dáleldeıdi. 12 qazanda ol sol jerde bolǵanyn moıyndaǵanmen, mundaı áreket jasamaǵanyn aıtty», - dep jazdy qor.
Uıymnyń habarlaýynsha, qyzdardyń ata-anasy polıııaǵa aryz jazǵanymen is boıynsha eshnárse qabyldanbaǵan. Málimetter boıynsha, jábirlenýshilerdiń anasy kúdiktini 16 qazanda óz aýlasynda kórgen.
«Jigittiń týystary anasyna kelip, aryzynan bas tartýyn ótingen. Olardyń naqty mekenjaıyn kim berdi? Polıııa ma? Onyń kinási joq, sportshy, bilimdi oqýshy, synyp starostasy ekeni aıtyldy. Biz ol jigitti kórdik: ıá, shynynda da, uzyn boıly, kelbetti jigit eken. Biraq nelikten mundaı iske bardy? Bul qylmys úshin jaza bar. Anasy qaryzǵa belshesinen batyp, advokat jaldaǵan árii aryzynan bas tartpaıdy. Óıtkeni bul jigitti qazir toqtatpasa, odan da aýyr qylmystarǵa barýy múmkin», - dep jazdy «Ne molchı KZ» qory.
