Astanada mas turǵyn lıftte jasóspirimge kúsh kórsetip, moınynan qylqyndyrǵan, dep habarlaıdy "Adyrna" ulttyq portaly.
Bul týraly áleýmettik jelidegi Zhaloby.astana paraqshasynda aqparat taratty. Jazbada elorda turǵyny 15 jastaǵy ulyn belgisiz mas adamnyń qorqytqanyn aıtqan. Ony lıftiden syrtqa shyǵarmaı qoıǵan.
"Bul adam alkogolge, múmkin esirtkige mas kúıde 15 jastaǵy balama ádepsiz sózder aıtyp, ony óltiremin dep qorqytqan. Sodan keıin ony qylqyndyrmaq bolyp, lıftten shyǵarmaýǵa áreket jasaǵan. Fızıkalyq kúsh kórsetip, qolyn burap, saýsaǵyn qaıyrǵan", - delingen áıel adam.
Balanyń anasynyń aıtýynsha, mas adamdy polıeıler ustaǵan.
"Bul fakti boıynsha quqyq buzýshy anyqtalyp, ýaqytsha ustaý ızolıatoryna qamaldy. Tergeý nátıjeleri boıynsha zańǵa sáıkes sharalar qoldanylady", - dep málimdedi PD baspasóz qyzmeti.
Aıta ketsek, oqıǵa Astanadaǵy Sátbaev kóshesi, 31 úıde bolǵany anyqtaldy.
