Sherzat Bolattyń ólimine qatysty ustalǵan bir kúdiktiniń anasy ádil tergeý júrgizýdi surap, úndeý jasady, dep habarlaıdy "Adyrna" ulttyq portaly.
Beıne úndeý Kozackov Telegram arnasynda jarııalanǵan.
Kúdiktiniń anasy uly men dosy qaıǵyly oqıǵa ornynda múlde bolmaǵanyn aıtqan. Alaıda qazir kúdiktiler qylmys týraly habar bermegeni úshin aıyptalyp otyrǵan kórinedi.
“Men Kazakenova Leıla marqum Sherzat Bolattyń otbasyna qaıǵyryp kóńil aıtamyn. Ana retinde olardyń qaıǵylaryn túsinemin, qaıǵylaryna ortaqtasamyn. Osy oqıǵaǵa qatysty prezıdentke, ishki ister mınıstrine jáne elimizdiń bas prokýroryna júginemin. BAQ-ta bastapqyda 13 adamnyń qatysy bar ekenin aıtqan, biraq is júzinde 7 adam ǵana ustalǵan. Sandy toltyrý úshin qalǵandaryn jazyqsyz ustaǵan. Olardyń arasynda meniń ulym Kazakenov Arlan men dosy Rozbakıev Iýldash bar. Olar qazir qylmys týraly habar bermegeni úshin aıyptalyp otyr”, – deıdi ol.
Áıel adam uly men dosy oqıǵa ornyna múldem barmaǵanyn aıtyp, ádildikti suraaýda. Qalǵan kúdiktilermen qylmystan keıin ǵana kezdesken.
"Shyn máninde olar qylmys ornynda bolmaǵan. Oqıǵanyń barlyǵy bolyp, bitkennen keıin ǵana er adamnyń eki adamdy kólikke otyrǵyzyp, alyp kete bara jatqan jeriniń ǵana kýási bolǵan. Mersedes kóliginiń izdestirilip jatqanyn estigen. Meniń ulym tanysy Nurqııasqa habarlasyp, ne bolǵanyn suraıdy. Ol ulym men dosyn Rysqulov aýylyna janyna shaqyrady. Dosy ekeýi barady. Nurqııas jalǵyz emes eken, jandarynda alty adam bolǵan. Talǵarǵa qaraı barǵan, jolda kezdesken, aralarynda urys bolǵan, artynsha polıııa alyp ketken. Olardan túsinikteme alyndy, artynsha jiberildi. 13 qazan kúni ulym men dosy 48 saǵatqa ustaldy. Artynsha 2 aıǵa qamaýǵa alyndy. Olardy ne sebepti qamaýǵa alynǵanyn túsinbedim. Ustalǵan 13 adamnyń ornyn tolyqtyrý úshin jasalyp otyr ma? Oqıǵa ornyna barmasa da, kúdikke ilinip otyr. Olar tipti ne bolǵanyn da bilmeıdi. Oqıǵa ornynda bolǵan eki qyz qamaýda emes, alaıda ulym men dosy qamaýda. Men ádil tergeý talap etemin”, – deıdi áıel.
