Ýkraına bas prokýratýrasy jýrnalıst Aıdos Sadyqovqa qastandyq jasady dep kúdikke ilingen Altaı Jaqanbaev pen Meıram Qarataevqa halyqaralyq izdeý jarııalanǵanyn málimdedi, dep habarlaıdy “Adyrna” ulttyq portaly.
Ýkraına Bas prokýratýrasynyń Telegram-daǵy resmı arnasynda habarlanǵandaı, eki qazaqstandyq jýrnalıst Aıdos Sadyqovty óltirmek boldy degen kúdikke ilingen. Olarǵa halyqaralyq izdeý jarııalandy. Ekeýi de adamdar tobynyń tapsyrysy jáne aldyn ala sóz baılasýy boıynsha qasaqana kisi óltirýge oqtaldy dep kúdikke ilindi.
"Buǵan deıin eki er adamnyń Ýkraınada bosqyn mártebesi bar jýrnalısti óltirý boıynsha áreketti muqııat josparlaǵany anyqtaldy. Kúdiktiler Ýkraına aýmaǵyna 2 maýsymda Polsha-Ýkraına shekarasynan ótip kelgen. Kıevte olar páter jaldap, kólik satyp alǵan. Olar jábirlenýshini biraz ýaqyt zerttep baqylaǵan. Qylmys jasalǵan kúni, ıaǵnı 18 maýsymda kúdiktilerdiń biri jábirlenýshiniń kóligine jaqyndap, oq atqan, al onyń sybaılasy úı mańyndaǵy jaǵdaıdy baqylaǵan. Keıin olar oqıǵa ornynan ketip qalǵan.
Kúdiktiler qasaqana kisi óltirýge oqtalǵan kúni Ýkraına aýmaǵynan shyǵyp, Ýkraına men Moldova shekarasyn kesip ótken", - dep habarlady Ýkraına memlekettik polıııasy.
Kıevtiń Goloseev aýdandyq soty syrttaı bultartpaý sharasy boıynsha qamaýǵa alýdy taǵaıyndady. Tergeý jalǵasyp jatyr.
Aıta keteıik, Sadyqovqa qastandyq 18 maýsymda Kıevtiń Shevchenkov aýdanynda, jábirlenýshi áıelimen birge turatyn úıden alys emes jerde bolǵan. Jábirlenýshiniń Ýkraınada bosqyn mártebesi bar.
Buǵan deıin Sadyqovqa qastandyq jasaǵan kúdiktiler Qazaqstan azamaty ekenin habarladyq.
