Talǵardaǵy qaıǵyly oqıǵaǵa baılanysty marqumnyń ákesin belgisiz bireýlerdiń qorqytyp júrgeni aıtyldy, dep habarlaıdy "Adyrna" ulttyq portaly.
Ulysmedıa málimetinshe, Sherzat Bolattyń ájesi Jumabıke Nurymova uly Qarjaýbaı Nurymovqa bireýler habarlasyp, qoqan-loqqy jasap jatqanyn habarlady.
"Balama qońyraý soǵyp, «balańnyń janynan kórińdi qaza ber» dep qorqytyp jatyr. Bizge kómekke adam kerek. Kelgen ákimderge de, jýrnalısterge de aıtyp jatyrmyn. Kórshiler úıińizge adamdar kirgen dep aıtyp jatyr. Esikti ashyp, kirgen, aralap júrgen, biraq eshteńe almaǵan degendi aıtty. Kórshiler qaraýylda otyr. Balalar qorqyp, «úıge baraıyq» dedi. Men «joq, balamnyń qyrqy ótsin, máseleni birjaqty etip alaıyq, qatarlasyp jatsaq ta osy úıde bolyńdar» dedim. Ruqsat bermedim. Sonyń arqasynda olar aman qaldy.
Bir kórshim «táte, keshe saǵat 5-te jumysqa ketip bara jatqanda nómirsiz eki «Mersedes» kóligi kósheni aınalyp júrgen, sosyn ketip bara jatqan soń sizderdi shoshytpaıyn dep aıtpadym. Tańerteń qaıtyp kele jatsam, sol kólikter taǵy tur eken. Joǵary organdarǵa aıtpadyńyzdar ma adam bersin dep» dedi. Mine, úı órtendi, balam óldi. Sodan keıin ǵana kúzetýge esigimizdiń aldyna patrýl kóligin berdi. Oǵan deıin úkimetimiz qımyldaýǵa bolatyn edi. Meniń tańǵalatynym, olardyń (qylmys jasaǵan adamdardyń – red.) úıine, kóshesine patrýl kóligin berip qoıypty. Bizdi shabýyldaıdy dep. Úkimet solardyń sózin sóılep turǵan sııaqty", - deıdi marqum Sherzat Bolattyń ájesi.
Aıta keteıik, Talǵarda kisi qolynan qurban bolǵan Sherzat Bolattyń ákesi Qarjaýbaı Nurymov qazaqstandyqtarǵa úndeý jasaǵan edi.
