Memlekettik syılyqtyń laýreaty, opera ánshisi Bıbigúl Tólegenova atom elektr stanııasyn salý máselesi boıynsha referendýmǵa qatysty, dep habarlaıdy «Adyrna» ulttyq portaly.
Bıbigúl Ahmetqyzy daýysyn úıinde berdi. №559 saılaý ýchaskesiniń ókilderi bıýlletenderge arnalǵan ýrnany Bıbigúl Ahmetqyzynyń turǵylyqty mekenjaıyna ákeldi.
Ártis bul oqıǵanyń el úshin mańyzdylyǵyn atap ótti. Onyń aıtýynsha, referendýmǵa qatysý-árbir azamattyń Qazaqstannyń bolashaǵyna degen jaýapkershiligi.
"Mundaı sheshimder muqııat oılastyrýdy qajet etedi, óıtkeni olar eldegi qazirgi jaǵdaıǵa ǵana emes, kelesi urpaqtyń bolashaǵyna da áser etedi. Men elimiz úshin osy mańyzdy máselege óz daýysymdy qosa alatynymdy maqtan tutamyn", - dep atap ótti Bıbigúl Ahmetqyzy.
Opera ánshisiniń aıtýynsha, Qazaqstan áli de jas memleket jáne ony qoldaý kerek, elimiz úshin mańyzdy oqıǵalarǵa qatysyp, sol arqyly memleketimiz úshin damýdyń eń jaqsy jolyn tańdaý kerek.
Esterińizge sala keteıik, búgin Qazaqstan aýmaǵynda atom elektr stanııasyn salý máselesi boıynsha respýblıkalyq referendým ótýde. Turǵyndar turǵylyqty jeri boıynsha saılaý ýchaskelerine baryp, saǵat 20.00-ge deıin óz daýystaryn bere alady.
