Keshegi dostan búgingi qasqa aınalǵan Ǵalymjan Jaqııanov pen Tólen Toqtasynovtyń arasyndaǵy múlik daýy áli toqtar emes. Buǵan deıin Almaty qalasynyń aýdandyq jáne qalalyq sotynda birqatar úderister oryn alsa, endi Almaty oblysy Talǵar aýdandyq sotynda taǵy bir daý qaralyp jatyr.
30 qyrkúıek kúni Talǵar aýdandyq sotynda is qaraldy. Bul týraly Respublika.kz saıty jarııalady, dep habarlaıdy “Adyrna” ulttyq portaly.
Bir qyzyǵy, bul sotta Toqtasynov ta, Jaqııanov ta bir jaqta – aıyptalýshy retinde boldy.
Brıtandyq Vırgın araldarynda tirkelgen Quinton Overseas Ltd kompanııasy Toqtasynov pen Jaqııanovqa qarsy shaǵym túsirgen. Biraq daýdyń basy sol bir mońǵoldyq ALGT kompanııasynan bastalady.
Taǵy bir talapker – advokat Tagır Sısımbaevtyń uly. Onyń osy kompanııamen baılanysy bar.
Aıta keteıik, Tagır Sısımbaevtyń ózi eki dos arasyndaǵy daýǵa qatysty barlyq derlik sot proesterine belsendi qatysyp keledi.
Bul máseleniń qalaı bastalǵany týraly buryn da jazdyq. 2019 jyly Tólen Toqtasynov ALGT-degi óz úlesin Ǵalymjan Jaqııanovqa satady, bul elektrondy túrde qol qoıylǵan hattamalyq kelisimde tirkeledi. Alaıda, Jaqııanov bul úles úshin somanyń bir bóligin tólep, keıinnen Toqtasynovtyń oǵan úlesti satyp, sol ýaqytta ıelik etpeıtinin alǵa tartyp, qaryzdy tolyq óteýden bas tartady. Ol tipti tólengen bóligin qaıtarý týraly sotqa shaǵym túsiredi.
Shynynda da, mámile jasalǵan kezde ALGT-tiń 100% ıesi Quinton Overseas Ltd kompanııasy boldy. Onyń basshysy - Ǵalymjan Jaqııanovtyń Máskeýdegi Baýman atyndaǵy Máskeý joǵary tehnıkalyq mektebinde birge oqyǵan jyldarynan biletin reseılik Sergeı Denısov boldy.
Proesterdiń birinde Tólen Toqtasynov budan buryn túsindirgendeı, ALGT-tiń barlyq ıeleriniń akııalaryn Quinton Overseas Ltd menshigine berý ALGT-ti álemdik bırjalar platformasyna shyǵarý maqsatynda júzege asyryldy. Naǵyz benefııarlar Jaqııanov pen Toqtasynovty qosqanda burynǵy qojaıyndar bolyp qalǵan.
Degenmen, Quinton Overseas Ltd kompanııasynyń talap aryzynda kompanııa Toqtasynov pen Jaqııanov arasyndaǵy mámile týraly tek 2022 jyly bilgeni aıtylǵan. Jáne osynyń negizinde kompanııa joǵaryda atalǵan hattamalyq kelisimdi jaramsyz dep tanýdy talap etedi.
Talapqa bergen jaýabynda Tólen Toqtasynovtyń ókili Baqyt Qaseıinov: talap qoıýdyń eskirý merzimi ótip ketken, ıaǵnı úsh jyl (2022 jyly bitti) degen negizdememen qanaǵattandyrýdan bas tartý kerek dep kórsetedi.
Zańger sondaı-aq mámileniń barlyq mán-jaılarynyń buryn zerttelip, basqa sottarda suralmaǵandyǵyna silteme jasaıdy.
Quinton Overseas Ltd kompanııasynyń advokaty mámile týraly kompanııa 2022 jyly ǵana bilgen (demek, eskirý merzimi áli aıaqtalǵan joq) degen ýájin joqqa shyǵarady: 2019 jyly dál osy Jaqııanov Quinton Overseas Ltd kompanııasynyń ýákiletti ókili bolǵan. Mońǵolııada (senimhatqa 2017 jyldan 2020 jylǵa deıingi kezeńge Denısov qol qoıǵan). Iaǵnı, Jaqııanov júrgizilip jatqan mámileler týraly basshylyqqa habar bermeı tura almady.
Qyrkúıektiń 30-y kúni sotta taraptar arasyndaǵy daýlar oryn aldy.
