Iranda áýejaılardyń qyzmeti qaıta jandandy, dep habarlaıdy "Adyrna" ulttyq portaly.
Irannyń Azamattyq avıaııa uıymynyń ókili Djafar Iazarlýdyń sózinshe, seısenbi kúni Izraılge jasalǵan zymyran shabýylynan keıin Iran áýejaıy jumysyn ýaqytsha toqtatqan.
"Qolaıly jáne qaýipsiz ushý jaǵdaılaryn qamtamasyz etkennen keıin jáne shekteýlerdi alyp tastaǵannan keıin avıakompanııalarǵa reısterdi oryndaýǵa ruqsat etildi", — dedi Djafar Iazarlý.
Ókil jolaýshylarǵa áýejaıǵa barar aldynda ushý kestelerin tekserýge jáne saıahat josparlaryn rastaýǵa keńes bergen.
Buǵan deıin Iran bıligi respýblıkanyń áýe keńistigi beısenbi kúni tańerteńge deıin jabylatynyn habarlaǵan edi.
