Shyǵys Qazaqstan oblysy Zaısan aýdanynda jańa áýejaı salynady, dep habarlaıdy “Adyrna” ulttyq portaly.
Qazir qurylystyń jobalyq smetalyq qujattamasy ázirlenip jatyr.
Jańa áýejaı Zaısan qalasynan 28 shaqyrym jerde ornalasqan Sátbaı aýylynda salynbaq. Bul týraly ShQO óńirlik kommýnıkaııalar qyzmetinde ótken brıfıngide Zaısan aýdany ákiminiń orynbasary Nurǵaını Qabıdoldına málim etti.
“Jańa áýejaıdyń qurylysy óńirde týrızmniń damýyna serpin berip, turǵyndardyń ómir sapasyn arttyrýǵa yqpal etedi. Joba aıasynda áýejaı ǵana emes, zamanaýı ınfraqurylym, jańa joldar, logıstıkalyq qoımalar men basqa da mańyzdy nysandardyń salynýy josparlanǵan”, - dedi ol.
