Almatyǵa tálipter kele jatyr. Bul týraly Aýǵanstannyń Tolonews basylymy jarııalady, dep habarlaıdy “Adyrna” ulttyq portaly.
Resýrs málimetine sáıkes, olar Almatyda kórme ótkizýdi josparlap otyr. Aýǵan kórmesi shamamen 20 kúnnen keıin uıymdastyrylady.
«Aýǵanstan delegaııasynyń Qazaqstanǵa sapary aıasynda Aýǵanstan ekonomıkasynyń túrli salalarynan 250-den astam kásipker óz taýarlary men qyzmetterin usynatyn aýqymdy bıznes-forým ótedi», - delingen habarlamada.
Aýǵanstannyń Indýstrııa jáne saýda mınıstriniń mindetin atqarýshy Nýrýddın Azızıdiń aıtýynsha, Qazaqstannyń iri qalasyna kórmege shamamen 300 delegat keledi. Olardyń qatarynda Aýǵanstan bıliginiń ókilderi men kásipkerler bolady.
«Eger kompanııa nemese el óz ónimin álemdik naryqtarda tanystyrǵysy kelse, kórmelerge qatysýy qajet. Bul kórme Qazaqstanda óte mańyzdy», – dep atap ótti Aýǵanstannyń Saýda-ınvestıııalyq palatasynyń dırektorlar keńesiniń múshesi Hanjan Alokozaı.
Aýǵanstan buǵan deıin osyndaı kórmelerdi Ózbekstanda, Túrikmenstanda jáne Qytaıda ótkizgen. Qytaı Halyq Respýblıkasynda ol jaqynda ǵana (shilde aıynyń sońynda) ótip, alty kúnge sozyldy.
