Aqmola oblysynyń turǵyny tasjolǵa shaǵyn ushaq qonǵanyn vıdeoǵa túsirip alǵan. Keıinnen ushaqtyń nege jol boıyna turaqtaǵany anyqtaldy, dep habarlaıdy "Adyrna" ulttyq portaly.
Jelide taraǵan vıdeoda Stepnogorskide, saıajaıǵa bara jatqan jolda ushaqtyń qonǵany kórsetilgen.
"Ushaq dál jolǵa qondy. Qarama-qarsy kólikter bolmaǵany jaqsy boldy", - dedi vıdeoǵa túsirip turǵan adam.
Ushaqtyń jol boıyna ne sebepti qonǵany keıinnen túsindirildi.
Áýesqoı-ushqysh Stepnogorsk qalasynyń mańynda tas jolǵa kútpegen jerden qonǵan.
«10 qyrkúıekte áýesqoı ushqysh jalpy avıaııanyń TL-2000 jeńil áýe kemesimen ushyp bara jatyp, Stepnogorsk qalasynyń mańyndaǵy az qoldanylatyn avtojoldyń ýchaskesine qondy», – dep habarlady azamattyq avıaııa komıteti (AAK) KazTAG-tyń saýalyna jaýap retinde.
Komıtettiń aıtýynsha, jolǵa qoný áreketi ylǵaldy topyraqty alańǵa qoný múmkin bolmaǵandyqtan jasalǵan. Qysqa ýaqyttan keıin áýe kemesi bazalyq aerodromǵa qaıta oralǵan.
Bul árekette pılottyń áýeden tańdalǵan alańdarǵa qonýǵa qajetti daıyndyq deńgeıiniń bolmaýyna qatysty zań buzýshylyq belgileri bar ekeni atap ótildi.
"Osy oqıǵanyń barlyq jaǵdaılaryn muqııat zerttegennen keıin, «Qazaqstannyń avıaııalyq ákimshiligi» AQ men azamattyq avıaııa komıteti jalpy avıaııanyń bul paıdalanýshysyn zańnamada kózdelgen jaýapkershilikke tartý sharalaryn qabyldaıtyn bolady", - delingen resmı derekkózde.
Memlekettik organnyń jaýabyna qaraǵanda, bul apatty qoný bolmaǵan, tipti ushaq 20 mınýttan keıin ushyp ketken.
Óz kezeginde kólik prokýratýrasy men kólik polıııasynyń departamenti bul oqıǵaǵa qatysty pılottyń jaýapqa tartylatyndyǵy týraly naqty jaýap bermedi.
