9 tamyz kúni, Brazılııanyń San-Paýlý qalasyna jaqyn jerde bortynda 61 adam bolǵan Voepass jolaýshylar ushaǵy apatqa ushyrady, dep habarlaıdy “Adyrna” ulttyq portaly.
Jergilikti bılik jolaýshylar men ekıpajdyń eshqaısysy tiri qalmaǵanyn habarlady.
Áýe kompanııasynyń habarlaýynsha, ATR 72 qos motorly týrbovınt ushaǵynyń bortynda 62 adam bolǵan: 58 jolaýshy jáne tórt ekıpaj múshesi. Keıinirek borttaǵylardyń sany naqtylanyp, bıletti satyp alǵandardyń biri reıske keshigip kelgeni belgili boldy. Bul týraly Reuters agenttigi jazdy.
Osydan soń Valınhosh qalasynyń meri apattan aman qalǵandar joq dep habarlady.
Ushaq Kaskavelden (Parana shtaty Paragvaı men Argentına shekarasyna jaqyn) Gýarýlos áýejaıyna ushqan.
Áleýmettik jelilerde ushaqtyń tiginen qulaǵan vıdeosy paıda boldy.
Ushaq turǵyn úı qurylysynyń ortasyna qulaǵan, biraq ol jerde eshkim zardap shekken joq.
Brazılııanyń globonews telearnasy aıtarlyqtaı aýmaqty sharpyǵan tútin qaldyqtary men órtti kórsetti. Polıııa men órt sóndirýshiler oqıǵa ornynda jumys istep jatyr.
Flightradar24 veb-saıtynyń aqparatyna sáıkes, ushaq 2010 jyly jasalǵan. Brazılııanyń azamattyq avıaııa jónindegi ulttyq agenttigi keıinirek bul aqparatty rastap, ushaq jumysynda kinárat bolmaǵanyn habarlady.
Jergilikti áýe apattaryn tergeý qyzmeti apattyń sebepteri týraly áli aqparat joq ekenin aıtty.
Kaskavelden ol jergilikti ýaqyt boıynsha 11:46-da (Grınvıch boıynsha 14:46) ushyp shyqqan. 13:21-den bastap ol San-Paýlý áýejaıynyń dıspetcherleriniń habarlamalaryna jaýap berýdi toqtatqan jáne bir mınýt ishinde radarlyq ekrandardan joǵalyp ketti, dep habarlady Brazılııa áýe kúshteri.
Brazılııa prezıdenti Lýıs Inasıo Lýla da Sılva ózi qatysyp otyrǵan is-sharada bir mınýt únsizdik jarııalady.
"Óte ókinishti. Qaza tapqandardyń otbasylary jáne dostarynyń qaıǵysyna ortaqpyn”, – dep jazdy ol.
Keıinirek ol elde qaza tapqandarǵa úsh kúndik aza tutý týraly jarııalady.
