Premer-mınıstr tarıhı eskertkish Qoja Ahmet Iasaýı kesenesin memlekettik kúzet qorǵaıtynyn málim etti, dep habarlaıdy "Adyrna" ulttyq portaly.
Qoja Ahmet Iasaýı kesenesi IýNESKO-nyń búkilálemdik mura tizimine engizilgen alǵashqy qazaqstandyq nysan jáne ortaǵasyrlyq sáýlet óneriniń biregeı eskertkishterine jatady. Onyń mańyzdylyǵy men tarıhı-mádenı qundylyǵyn eskere otyryp, muranyń saqtalýyn qamtamasyz etý maqsatynda Úkimet «Áziret Sultan» murajaı-qoryǵynyń qaýipsizdigin memlekettik kúzettiń baqylaıtyny týraly sheshim qabyldady. Úkimet basshysy Oljas Bektenov tıisti qaýlyǵa qol qoıǵan.
Nysannyń qaýipsizdigin ishki ister organdarynyń tıisti bólimsheleri qamtamasyz etedi. Kesene Túrkistan qalasynda túrki aqyny jáne sopylyq ilimniń negizin qalaýshy Qoja Ahmet Iasaýı jerlengen orynda turǵyzylǵan.
Bul kesene negizinen segiz bólmeden turady. Olar Taıqazan turǵan ortadaǵy eń úlken zaldy aınala ornalasqan.
