پرەمەر-مينيستر تاريحي ەسكەرتكىش قوجا احمەت ياساۋي كەسەنەسىن مەملەكەتتىك كۇزەت قورعايتىنىن ءمالىم ەتتى، دەپ حابارلايدى "ادىرنا" ۇلتتىق پورتالى.
قوجا احمەت ياساۋي كەسەنەسى يۋنەسكو-نىڭ بۇكىلالەمدىك مۇرا تىزىمىنە ەنگىزىلگەن العاشقى قازاقستاندىق نىسان جانە ورتاعاسىرلىق ساۋلەت ونەرىنىڭ بىرەگەي ەسكەرتكىشتەرىنە جاتادى. ونىڭ ماڭىزدىلىعى مەن تاريحي-مادەني قۇندىلىعىن ەسكەرە وتىرىپ، مۇرانىڭ ساقتالۋىن قامتاماسىز ەتۋ ماقساتىندا ۇكىمەت «ازىرەت سۇلتان» مۇراجاي-قورىعىنىڭ قاۋىپسىزدىگىن مەملەكەتتىك كۇزەتتىڭ باقىلايتىنى تۋرالى شەشىم قابىلدادى. ۇكىمەت باسشىسى ولجاس بەكتەنوۆ ءتيىستى قاۋلىعا قول قويعان.
نىساننىڭ قاۋىپسىزدىگىن ىشكى ىستەر ورگاندارىنىڭ ءتيىستى بولىمشەلەرى قامتاماسىز ەتەدى. كەسەنە تۇركىستان قالاسىندا تۇركى اقىنى جانە سوپىلىق ءىلىمنىڭ نەگىزىن قالاۋشى قوجا احمەت ياساۋي جەرلەنگەن ورىندا تۇرعىزىلعان.
بۇل كەسەنە نەگىزىنەن سەگىز بولمەدەن تۇرادى. ولار تايقازان تۇرعان ورتاداعى ەڭ ۇلكەن زالدى اينالا ورنالاسقان.
