Pavlodar oblysynda 10 jastaǵy qyz balany zorlaǵan bapkerge qatysty balalar quqyǵy jónindegi ýákil pikir bildirdi, dep habarlaıdy "Adyrna" ulttyq portaly.
Búgin fýtbol klýbynyń bapkeri qyzdy zorlady degen aqparat taraǵan bolatyn. Balalar ombýdsmeni Sáýle Shákenova jábirlenýshiniń anasyna habarlasyp, balanyń jaǵdaıyn suraǵan.
"Polıııa qyzmetkerleriniń áreketi qurmetke laıyq, qyzdyń anasy rıza. Polıeıler jedel ári saýatty, múmkindiginshe durys áreket etti deıdi . Men óz tarapymnan anasyna 10 jasar qyzynyń qoryqpaı, bárin aıtyp, sol arqyly bir emes, birneshe balany aman alyp qalǵan qylyǵyna tańdanysymdy bildirdim! Men úshin bul – erlik! Mundaı batyrlyq kez kelgen eresek adamnyń qolynan kele bermeıdi! Sondaı-aq kópbalaly anaǵa qyzyna bergen tárbıesi úshin alǵys aıttym. Óıtkeni ata-ana ózderine degen senim deńgeıin qalyptastyrǵan, sonyń arqasynda balalar otbasynda ózin qaýipsiz sezinedi", – dedi Pavlodar oblysynyń balalar quqyǵy jónindegi ýákili Sáýle Shákenova.
Sot saraptamasy qyz ben er adamnyń arasynda tikeleı jynystyq qatynas bolmaǵanyn kórsetken. Alaıda bapker kámeletke tolmaǵan qyzǵa tıisip, óziniń áýret jerlerin ustatqan. Qyzdy qonaqúıge aparyp, sodan keıin úıine aparyp tastaǵany aıtylýda.
Qazir er adam qamaýǵa alyndy.
