Almatyda Aısultan Nazarbaevty eske alýǵa arnalǵan balalar arasyndaǵy fýtbol týrnıri ótti. Atalmysh sharaǵa Darıǵa Nazarbaeva da qatysqan. Bul týraly jýrnalıst Syrym Itqulov talegram arnasynda jazdy, dep habarlaıdy “Adyrna” ulttyq portaly.
«Mine, Darıǵa Nazarbaeva kórindi. Ol Almatyda Aısultan Nazarbaevty eske alýǵa arnalǵan fýtboldan balalar týrnırine qatysýda», - dedi jýrnalıst Syrym Itqulov.
AR Cup balalar fýtbol týrnıriniń Instagram paraqshasynda bul oıyn jyl saıyn ótkiziletini jazylǵan. Uıymdastyrýshylar jarystyń basty maqsaty – jastar arasynda otandyq fýtboldy damytý deıdi.
Aıta ketsek, Aısultan Rahat (Nazarbaev) – marqum Rahat Álıev pen Darıǵa Nazarbaevanyń uly. 2020 jyldyń 16 tamyzynda 29 jastaǵy Aısultan Rahattyń denesi Londonda tabylǵan bolatyn. Ólimniń aldyn ala sebebi – júrek toqtaýy.
