Qazaqstan ulttyq fýtbol quramasynyń bas bapkeri Stanıslav Cherchesovtyń qyzmetinen ketetini týraly aqparat tarady. Onyń ornyna úmitkerler qarastyrylyp jatyr. Bul týraly E.Maulen telegram arnasy jazdy, dep habarlaıdy “Adyrna” ulttyq portaly.
Bul sheshimdi QFF jańa prezıdenti qabyldady. Onyń ornyna eki qazaqstandyq jáne eki eýropalyq mamannyń kandıdatýrasy qarastyrylyp jatyr.
Qazir zańgerler Cherchesovtiń kelisimshartyn zańdy túrde buzýdyń múmkindikterin zertteý ústinde.
Cherchesov Qazaqstan quramasynyń tizginin 2024 jyldyń shilde aıynda ustady. Onyń kelisimsharty ÁM-2026 irikteý kezeńi aıaqtalǵansha áreket etedi.
Reseılik mamannyń jetekshiligimen Qazaqstan segiz resmı kezdesý ótkizip, jeteýinde jeńilis tapty. ÝEFA Ulttar Lıgasynda óz tobynda sońǵy orynǵa ıe boldy.
