Atyraýdaǵy jekemenshik balabaqshalardyń birinde bir jarym jastaǵy bala denesin kúıdirip alǵan, dep habarlaıdy "Adyrna" ulttyq portaly Almaty TV-ǵa siltep.
Bóbekjaı ákimshiligi isti jyly jaýyp qoımaq bolǵan kórinedi.
Jaǵa ustatarlyq oqıǵa apta basynda «Ý Petrovy» jekemenshik balabaqshasynda bolǵan.
Zardap shekken balanyń ata-anasy áýeli tárbıeshi búldirshinniń qolyn jaraqattap, arada bir kún ótkende denesin kúıdirgenin habarlady. Denesinen zaqym alǵan búldirshin ábden shoshynyp qalǵan.
«Basqa balalar zardap shekpese eken deımin. Bári qyrýar aqsha tólep berip otyr. Balamdy kúıdirgenin aıtpaı, jedel járdem shaqyrmaı, qorlady. Zań aldynda jaýap bersin! Qolyn syndyrdy. Olar aqtalyp jatyr, ol qalaı kúıedi, oılańyzshy?», – dedi ata-ana Aqjan Nurǵazıeva.
Aq halattylar búldirshiniń denesiniń 6 paıyzy kúıgenin aıtady.
«1 jas 7 aılyq balany ata-anasy úıden alyp keldi. Bókse jáne sany 1-2 dárejeli kúıik shalǵan. Naýqas úıine shyǵaryldy. Jaǵdaıy turaqty. Ary qaraı emin jalǵastyryp, jaqpa maı jaǵýy kerek», – dedi oblystyq balalar aýrýhanasy dırektorynyń emdeý isi boıynsha orynbasary Erjan Esbolaev.
PD qylmystyq is «kámeletke tolmaǵan adamdy tárbıeleý jónindegi mindetterdi oryndamaý» babymen júrgizilip jatqanyn málimdedi.
