«Samuryq-Qazyna» ulttyq ál-aýqat qory Qaırat Boranbaevtyń burynǵy kompanııasy «AzııaGaz Chýndja» JShS-nyń 100% akııasyn satyp alý týraly sheshim qabyldady. Bul týraly KASE saıtynda jarııalandy, dep habarlaıdy “Adyrna” ulttyq portaly.
Aıta ketsek, «AzııaGaz Chýndja» kompanııasy 2014 jyly qurylǵan. Gaz tasymaldaýmen jáne ótkizýmen aınalysady. Buǵan deıin Qarjylyq monıtorıng agenttigi kompanııanyń qunyn 14 mlrd teńgege baǵalaǵan. Qazirgi tańda «AzııaGaz Chýndja» JShS QR Qarjy mınıstrliginiń Memlekettik múlik jáne jekeshelendirý komıtetine tıesili.
2023 jyly Qaırat Boranbaev asa iri mólsherdegi memleket qarjysyn jymqyrdy jáne kóleńkeli kiristi zańdastyrdy degen aıyppen ustalǵan bolatyn. Tergeý málimetinshe, 2019 jyly «AzııaGaz Chýndja» JShS arqyly gaz tasymaldaý kezinde QazaqGaz ulttyq kompanııasynyń qarajaty urlanǵan.
Buǵan deıin Qaırat Boranbaev munaı salasyndaǵy ken oryndaryn, qyzmet kórsetý kásiporyndaryn, qonaq úı, saýda – oıyn-saýyq keshenderin, fıtnes-ortalyq jelilerin, keńse ǵımarattaryn jáne basqa da kóptegen aktıvterin memleket menshigine ótkizgen bolatyn. Atap aıtqanda «AzııaGaz Chýndja» JShS, Comfort Hotel Astana, FitNation fıtnes-klýb jelisi, «QazTýrboRemont» zaýyty, «Almaly» saýda – oıyn-saýyq kesheni bar.
