Qazaqstan Respýblıkasy Bas prokýratýrasy memleket paıdasyna 1,9 mıllıard teńge kóleminde aktıvterdiń qaıtarylǵanyn málimdedi, dep habarlaıdy “Adyrna” ulttyq portaly Orda.kz-ke siltep.
Atalǵan somanyń ishinde «Operator ROP» JShS-niń sottalǵan qyzmetkerlerinen óndirilgen qarajattar men LRT jobasyna qatysty aktıvter bar. Prokýratýranyń alǵashqy habarlamasynda 2023 jyly «Operator ROP» isi boıynsha memleketke bir mıllıard teńge tárkilenip, qaıtarylǵany aıtylǵan. Alaıda bul habarlama keıinirek óshirildi.
Soǵan qaramastan, «Astana LRT» dep tanylǵan «City Transportation Systems» JShS-ge qatysty málimetter ózgerissiz qaldy. Prokýratýra ókilderiniń málimdeýinshe, kompanııanyń quryltaıshysy – Astana qalasynyń ákimdigi, al aktıvter memleketke qaıtarylǵan.
"Memleketke jalpy quny 920 mıllıon teńge bolatyn 40 jyljymaıtyn múlik obektisi – 39 kommerııalyq ǵımarat jáne 12,8 gektar aýmaqtaǵy temirjol ýchaskesi berildi. Budan bólek, qazirgi ýaqytta quny 615 mıllıon teńgege baǵalanǵan 37 nysandy qaıtarý proesi júrip jatyr", – delingen resmı málimdemede.
Orda.kz redakııasy «Operator ROP» isine qatysty qaıtarylǵan aktıvter jóninde naqty túsinikteme alý úshin Bas prokýratýraǵa resmı saýal joldaǵanyn habarlady.
BAQ betterinde aktıv qaıtarǵandardyń qatarynda Álııa Nazarbaevaǵa tıesili kompanııalardyń da bar ekeni týraly aqparat tarady.
Aıta keteıik, aktıvterdi qaıtarý – elde júrgizilip jatqan zańsyz shyǵarylǵan qarajat pen múlikti memleketke qaıtarý sharalarynyń bir bóligi.
