Elimizde energııa tapshylyǵy baıqalady. Ol úshin atom energııasyn júzege asyrý mańyzdy, dep habarlaıdy "Adyrna" ulttyq portaly.
Shveıarııalyq ıadrolyq energetıka ınjeneri Lýka Taglıapıetra qazaqstandyq BAQ ókilderimen onlaın kezdesý ótkizip, suhbat berdi.
Mamannyń sózinshe, energııanyń jańa kózinen qorqýdyń qajeti joq.
"Iadrolyq reaktorlarda týyndaýy múmkin kez kelgen máseleni retteı alady. Qaýipsizdik sharalarynyń turǵyndarǵa, qorshaǵan ortaǵa eshqandaı zııandy yqpaly joq. Adamdardy radıaııa, radıoaktıvti zattardyń aýaǵa taraýy tárizdi qaýipter alańdatady. Alaıda bul zattar tek atom elektr stanııasynyń ishinde bolady, syrtqa shyqpaıdy. Odan qaýip joq. Al kezdeısoq taraıtyn jaǵdaı bola qalsa, júıe ózdiginen avtomatty túrde jabylady. Mundaı qaýipti jaǵdaılar óte sırek bolǵanyn atap ótkim keledi", - dedi maman.
Odan bólek, BAQ ókilderiniń AES salýdyń aýaǵa zııany týraly suraǵyna da jaýap berildi.
"Atom elektr stanııalary kómirqyshqyl gazy, ilespe gazdar tárizdi aýany lastaıtyn qaldyqtardy shyǵarmaıdy. Ekologııalyq jaǵynan tıimdi. Álem kómirqyshqyl gazynyń mólsherin azaıtýǵa tyrysyp jatyr. Bul rette atom elektr stanııalarynyń mańyzy zor. Iá, álemde halyq sany ósip jatyr. Bizge energııa qajet. Bul oraıda eldi jetkilikti qýatpen qamtamasyz etý úshin qaýipsiz dep tanylǵan jańartylatyn energııa kózderimen qosa, atom energııasyn paıdalaný mańyzdy. Bul ár memlekettiń aldynda turǵan maqsat", - deıdi Lýka Taglıapıetra.
