1 tamyz kúni Abaı aýdanyndaǵy "Semeı ormany" memlekettik orman tabıǵı rezervatynan taǵy da órt shyqty. Bul týraly Tótenshe jaǵdaılar mınıstrligi jarııalady, dep habarlaıdy “Adyrna” ulttyq portaly.
Aqparatqa sáıkes, órtengen aýmaq – 7 gektar. Onyń ishinde ormanmen qamtylǵany — 1,06 ga.
«Semeı Ormany» MOTR operatorynan orman jabyndysy bar aımaqta daqyldar órtenip jatqany týraly habarlama kelip tústi. Jańa algorıtmniń, jerústi kúshteri men quraldarynynyń jedel áreketiniń, sondaı-aq áýe patrýlderin júrgizýdiń arqasynda órt 7 ga aýmaqta oqshaýlandy», - dep jazdy TJM.
Órt ornyna orman sharýashylyǵynan, oblystyq TJD-dan 60 adam, 25 birlik tehnıka jáne 2 pılotsyz ushý apparaty, «Qazavıaormanqorǵaý» AQ MI-2 tikushaǵy jumyldyryldy.
«Abaı oblysynda ystyq jáne qurǵaq aýa raıy saqtalýda, ormandardyń órt qaýipsizdigi monıtorıngi oblystyq TJD erekshe baqylaýynda», - delingen aqparatta.
Jalyn túnde aýyzdyqtaldy.
Eske salasaq, byltyr Abaı oblysyndaǵy alapat órt kezinde 14 adam qaza tapqan bolatyn.
