Túrkistan oblysynyń dezınfekııalyq ortalyǵynyń bas dırektory sybaılas jemqorlyqqa qatysy bar degen kúdikpen ustaldy, dep habarlaıdy “Adyrna” ulttyq portaly Antıkor-ǵa siltep.
«Sottyń úkimi boıynsha Tóregeldıev 3 jylǵa bas bostandyǵynan aıyryldy, al Ozyqbaev 7,5 mıllıon teńge kóleminde aıyppul tóleý jazasyna kesildi», - delingen habarlamada.
Shymkent qalasynyń Qylmystyq ister jónindegi aýdanaralyq soty «Túrkistan oblysy boıynsha dezınfekııalaý ortalyǵy» RMK PVH fılıalynyń bas dırektory Tóregeldıev Q. men jeke seriktestik basshysy Ozyqbaeva D.-ǵa qatysty úkim shyǵardy.
Tóregeldıev alaıaqtyq, para berýge ıtermeleý jáne nemquraılylyq jasaǵany úshin, al Ozyqbaev para alýǵa árekettengeni úshin kináli dep tanylǵan.
«Tóregeldıevtiń RMK-da júrgizilip jatqan tekserý máselesin oń sheshý úshin laýazymdy tulǵalarǵa para berdi degen jeleýmen Ozyqbaevtyń 500 myń teńge kólemindegi qarajatyn alaıaqtyq jolmen ıemdengeni anyqtaldy», - delingen habarlamada.
Sondaı-aq, Tóregeldıevtiń qyzmettik mindetterin tıisinshe oryndamaýynyń saldarynan oryndalǵan jumystar týraly aktilerge is júzinde oryndamaı qol qoıyp, memleketke 2,2 mıllıon teńge zalal keltirgeni habarlandy.
Sonymen birge, atalǵan tulǵalar memlekettik qyzmette laýazymdardy atqarý quqyǵynan ómir boıyna aıyrylatyny atap ótilgen.
Úkim zańdy kúshine engen joq.
