Túrkistan oblysynda demalýǵa ketken qyz ben jigit sýǵa túsip kóz jumdy, dep habarlaıdy “Adyrna” ulttyq portaly Otyrar.kz-ke siltep.
Báıdibek aýdanyndaǵy Shuqyrshaq sarqyramasyna jigit pen qyz dostarymen demalýǵa barǵan.
Qaıǵyly oqıǵa 29 maýsym kúni bolǵan. Kýáger áıel oqıǵanyń qalaı bolǵanyn baıandap berdi.
"Bul jer óte qaýipti, ózimiz de kórdik. Bir qaraǵanda aqyryn aǵyp jatqan sııaqty kórinedi, biraq qatty aǵynmen shuńqyr jasap aǵyp jatty. Kúıeýim de sýǵa batyp kete jazdap, sol jerden ázer shyqty" , - dedi áıel.
Erli-zaıyptylar keshke qaraı úıge qaıtýǵa daıyndalyp jatqanda, sarqyramaǵa bir top jas kelgenin kórinedi.
“Men olarǵa barmańdar, qaýipti dedim. Biraq olar meni túsinbeı, tómenge qaraı bettedi. Aıǵaılap shuńqyr jaqqa barmaýyn suradym. Olardyń úsheýi sol mańda kúlip-oınap júrdi, bir kezde sekýnd ishinde olardy qatty aǵys ıirip áketti", - dedi áıel.
