Shymkentte kúkirt zaýyty janyp, aýaǵa jaǵymsyz ıis tarady, dep habarlaıdy “Adyrna” ulttyq portaly.
27 shilde kúni órtengen kúkirtti sóndirý úshin 300-ge jýyq adam, 100-den astam tehnıka, 1 órt sóndirý poıyzy jumyldyrylyp, qyzyl jalyn oqshaýlanǵan.
Shymkent qalasy TJD órt sóndirý bólimsheleri zardap shekkender týraly aqparat joq ekenin habarlady.
Órt ornyna QTJ-nyń órt sóndirý poıyzy kelip, JAO, SES jáne ÓQKD ókilderi jumyldyryldy.
"Inertti materıaldardy tóseý jumystary jalǵasýda. Qazirgi ýaqytta áýe-mehnıkalyq kóbik berý arqyly ashyq órt oshaqtary sóndirildi. Oqıǵa ornynda órtti sóndirýdiń úsh jaýyngerlik ýchaskesi uıymdastyryldy. Ottyń taralý qaýpi joq", - delingen TJM habarlamasynda.
Odan bólek, Shańyraq shaǵyn aýdanynyń turǵyndary evakýaııalanǵan.
Jelidegi oqyrmandar Shymkenttikterde tynys alý joldarynyń ashýy, jótel, kózdiń jasaýraýy syndy belgilerdiń bolyp jatqanyn habarlady. Muny kúkirt zaýytynyń órtenýi saldarynan aýanyń lastanýymen baılanystyrýda.
Shymkenttik turǵyn, tarıhshy Ómirbek Shynybekuly kúkirt zaýytynyń órtenýine qatysty:
“Kúkirt zaýytynda órt shyǵyp, kesheli-beri sóndire almaı jatyr deıdi. Ol páleni tek qummen ǵana sóndirý kerek eken, bizdiń “profıler” sý shashypty”, - dep pikir qaldyrǵan.
