Eńbek jáne halyqty áleýmettik qorǵaý mınıstrligi zeınetkerlerdiń ortasha zeınetaqy kólemi azaıǵanyn málimdedi, dep habarlaıdy "Adyrna" ulttyq portaly.
Mınıstrlik málimetinshe, jyl basynan beri qazaqstandyqtarǵa respýblıkalyq bıýdjetten 1 trln 861,7 mlrd teńge somasynda zeınetaqy tólengen.
"2024 jylǵy 1 shildedegi jaǵdaı boıynsha, zeınetkerler sany – 2 mln 391 myń adam. Al jıyntyq zeınetaqynyń ortasha mólsheri 132 110 teńgeni qurady, onyń ishinde yntymaqty zeınetaqy mólsheri – 89 479 teńge, bazalyq zeınetaqy – 42 631 teńge", – dep tolyqtyrdy vedomstvo.
2024 jylǵy 1 maýsymynda jıyntyq zeınetaqynyń ortasha mólsheri 132 401 teńgeni quraǵan bolatyn.
