Qaraǵandy - Balqash tas joly respýblıkalyq mańyzy bar eki úlken qalanyń ortasyn jalǵaıdy. Alaıda tas jol birneshe jyldan beri jóndeýden ótip jatyr, dep habarlaıdy "Adyrna" ulttyq portaly.
Bul tas jolmen táýligine 9 myńǵa jýyq kólik júrip ótedi. Degenmen uzyndyǵy 363 shaqyrym bolatyn Qaraǵandy – Balqash jolynda jóndeý jumystary áli bitpegen. Bul týraly jýrnalıst Aqbópe Táńirbergen Facebook jelisindegi paraqshasynda habarlady.
"Qaraǵandy-Balqash jolynyń bıyl da salynyp bitetin túri joq. Aqsý-aıýlydan 100 shaqyrymdaı shyǵyp, Aqshataý tusyna kelgende Avtobýs pen estımo soǵylyp, qanshama adam jolda qaldy. Eki kóliktiń de júrgizýshisi qaıtys bolypty. 2 saǵatta bir jedel-járdem kelgen joq. Úsh máıittiń betin jaýyp qoıypty. Jaralylar kóp. Jolda ınternet ustamaıdy. Poıyzǵa bılet joq. Ushaqtyń bıleti asqaqtap tur. Osylaı avtobýs, ındraıvermen shyqqan jurt jolda qyrylyp jatyr al", - delingen jazbada.
