Oral qalasynda toi kezınde bolǧan janjalǧa qatysty qylmystyq ıs qozǧaldy, dep habarlaidy "Adyrna".
Oqiǧaǧa bailanysty äleumettık jelılerde beinejazba taraǧan.
Kadrlarda «tentek käde» sūraǧan er adamdy jaŋa qūdalardyŋ bırı ūryp, qūlatyp jıbergenı körınedı.
Oqiǧa 22 tamyz künı Oral qalasynda bolǧan. Batys Qazaqstan oblysy polisiia departamentınıŋ mälımetınşe, beinejazbadaǧy azamattardyŋ jeke basy anyqtalǧan.
«Atalǧan derek boiynşa qylmystyq ıs qozǧaldy. Tergeu barysy baqylauǧa alyndy. Qazaqstan Respublikasy Qylmystyq ıs jürgızu kodeksınıŋ 201-babyna säikes özge aqparat jariia etuge jatpaidy», – dep habarlady polisiia.
Qazırgı uaqytta oqiǧanyŋ barlyq män-jaiy anyqtalyp jatyr.
Ūqsas jaŋalyqtar
