Ryanair áýekompanııasynyń Agadırden Londonǵa shyqqan reısi áýege kóterilgen. Alaıda ol 36 mınýttan soń qaıta qonýǵa májbúr boldy, dep habarlaıdy "Adyrna" ulttyq portaly Press basylymyna silteme jasap.
Agadırden ushqan ushaq Marrakeshke qondy. Sebebi ushaq bortyndaǵy jolaýshylar orynǵa talasyp, jappaı tóbeles uıymdastyrǵan.
Kýágerler oqıǵanyń qalaı órbigenin aıtyp berdi. Er adam qyzynyń qasynda otyrǵan jolaýshydan oryn aýystyrýdy ótingen. Alaıda áıel adam óz otbasyna jaqyn otyrýy úshin ornyn bosatýdan bas tartqan. Alaıda er adam áıeldi qorqyta bastapty. Araǵa áıel adamnyń kúıeýi aralasyp, artynsha janjal sońy tóbeleske ulasqan.
"Bul tozaqtan shyqqan reısteı boldy. Olar bir-birin urýǵa tyrysty. Otbasynyń biri basqa da adamdarmen bir topta ushyp bara jatyr eken, sondyqtan oǵan basqa jolaýshylar da qosyldy", - deıdi kýágerler.
Basqa jolaýshylar da áıeldi jaqtaǵan. Sóıtip, toǵyz adamnyń arasynda tóbeles shyǵyp, ony jolaýshylar da, stıýardessalar da toqtata almaǵan.
Oqıǵaǵa baılanysty reıs keshigip, 200 jolaýshy bir túnge áýejaıda túnegen.
