Astanada kópqabatty turǵyn úıden órt shyǵyp, bir áıel tereze arqyly qashpaq bolǵan. Alaıda 7 qabattan tereze arqyly túsýge seskengen áıeldi tótenshe jaǵdaı qyzmetkerleri qutqaryp qaldy, dep habarlaıdy "Adyrna" ulttyq portaly.
Oqıǵa 10 shilde kúni shamamen saǵat 02:00-de bolǵan. Elordada Sh.Imanbaev 8 mekenjaıynda órt shyqqan. 7 qabattaǵy páterde úı zattary men jıhazdary órtengeni anyqtaldy.
Qalalyq tótenshe jaǵdaı departamenti jelidegi paraqshasynda qutqarýshy er adamnyń terezege jarmasqan áıeldi qutqaryp jatqan sátten beınejazba jarııalady. Bir qutqarýshy janyp jatqan páterden áıeldi balkon arqyly syrtqa shyǵarsa, ekinshisi ony tómengi qabattan ustap, qulap ketpeýin qamtamasyz etken.
“Búgin túnde órt shyqty. Maǵan balkon arqyly túsýge týra keldi. Baǵlan men Qydyr meni qutqaryp qaldy. 6-qabattan aıaǵymnan ustap túsirip aldy. Olarǵa erekshe alǵys aıtqym keledi”, – deıdi tótenshelikter qutqarǵan áıel.
