Qarǵyn sýdyń saldarynan Jambyl oblysy Sarysý aýdanynda sý tasydy. Bul týraly jýrnalıst Dáýren Darııabek Facebook paraqshasynda jazyp, vıdeo jarııalady, dep habarlaıdy “Adyrna” ulttyq portaly.
Aqparatqa sáıkes, Sarysý aýdanynda shtab qurylǵan.
“Úlkender bizdiń aýylda «zontık» bar deýshi edi. Iıa, irgeniń bárine jaýǵan jańbyr bizdi aınalyp ótetin. Ańyzaq jel keptirgen sortańdar sýǵa shóldep jatatyn. Biraq keshe jaýǵan jańbyrǵa qarap zontık tesilip ketken-aý dep jatyrmyz.
Itaýyz jaılaýynda qarǵyn sýdyń jınalý kezi vıdeoǵa túsip qalypty. Sarysý aýdanynda shtab qurylǵan. Jańatas pen Saýdakent arasyndaǵy jol jabyq.
Bir vıdeoda toıǵa baratyn halyq jete almaı tur. Alys ári tegis jol bar, biraq 150 shaqyrymdaı shyǵady (Odaman irgesindegi Shymkent trassasy-Jartytóbe-Sholaqqorǵan-Qumkent arqyly aınalýǵa bolady); jolsyz qara soqpaqpen Qyzyldıhanǵa jetip, odan ári Jaıylma arqyly jetýge bolady”, dep jazdy Dáýren Darııabek.
