Qulsary qalasynda sý tasqynynan zardap shekkenderge turǵyn úıler salynyp jatyr, dep habarlaıdy "Adyrna" ulttyq portaly.
Jylyoı aýdanynda 80 úıdiń irgetasy quıylǵan. Qazir 29-ynda qabyrǵalar turǵyzylyp jatyr. Tasqynnan zardap shekken qurylysty jandandyrý úshin úı turǵyzý men jóndeý jumystaryna jergilikti 7 merdiger tartylyp, 100-den astam jumysshy eńbek etýde.
Jergilikti bıliktiń málimetinshe, qurylysty 2024 jyldyń qyrkúıek aıyna deıin aıaqtaý josparlanyp otyr.
QR Ónerkásip jáne qurylys mınıstrliginiń Ahýaldyq ortalyǵynyń málimeti boıynsha, Atyraý oblysynda 2 674 nysanǵa tehnıkalyq tekserý júrgizildi, onyń nátıjeleri boıynsha 100 úı salý josparlanǵan.
1 376 úı satyp alý kózdelse, búginde 1 341 baspana satyp alyndy. Al 1 198 úıdi jóndeý kózdelse, qazir 1 174-inde jumystar aıaqtaldy.
