"QazAvtoJol" ulttyq kompanııasy Atyraý oblysyndaǵy sý tasqyny týraly shuǵyl aqparat taratty, dep habarlaıdy "Adyrna" ulttyq portaly.
Jaıyq deńgeıi arnasynan asty. Sol sebepti Atyraý oblysynda taǵy bir aýyldy sý basýy múmkin.
"Atyraý oblysyndaǵy Jaıyq ózeni arnasynan shyqqandyqtan, Jalǵansaı aýylyn sý basý qaýpi bar. Sol sebepti, "Atyraý-Oral" avtojolynyń 56-shaqyrymyndaǵy ýchaskesinen sý ótkizý josparlanǵan. Dál osy sátte avtojoldyń júrý bóligi arqyly topyraqtan jasandy kanal ornatylyp jatyr. Ýchaskelerdegi jumystarǵa 9 adam men 7 arnaıy tehnıka jumyldyrylǵan", - delingen vedomstvo habarlamasynda.
