Aqtaýda QR-kod arqyly jumys isteıtin modýldi dárethanalarda aqaý paıda boldy, dep habarlaıdy «Adyrna» tilshisi Lada.kz-ke silteme jasap.
Qazirgi tańda qaladaǵy 12 qoǵamdyq dárethananyń beseýi modýldi. Oǵan qala turǵyndary men qonaqtary QR kod arqyly tólem jasap kiredi. Qalalyq turǵyn úı-kommýnaldyq sharýashylyq bólimi modýldi dárethanalardyń isten shyqqanyn málimdedi.
«QR-kod arqyly kiretin dárethanalar ýaqytsha jabyldy. Qazirgi ýaqytta mamandar qatelikterdi túzetip jatyr. Qala turǵyndary men qonaqtarynan qoǵamdyq dárethanalardy taza ustaýdy jáne qajet bolǵan jaǵdaıda gıgıenalyq zattardy paıdalanýdy suraımyz»,– delingen aqparat agenttiginiń 30 maýsymda jarııalanǵan jazbasynda.
Eske salaıyq, buǵan deıin Aqtaý qalalyq TÚKSh bólimi modýldik dárethanalardyń jalpy somasy 87 mln teńge ekenin málimdegen edi. Ár dárethananyń quny 12 200 000 myń teńgeni quraǵan. Al 26 mln teńge kólemindegi qalǵan qarajat ınfraqurylymdy(sý, elektrmen jabdyqtaý jáne sý burý) júrgizýge baǵyttaldy.
