Aqtaýda birneshe er adam boıjetkendi urlap, mefedron berip, qorlyq kórsetken, dep habarlaıdy "Adyrna" ulttyq portaly NeMolchı.kz qoryna silteme jasap.
Qordyń aıtýynsha oqıǵa 2024 jyldyń mamyr aıynda bolǵan. Jaǵdaı týraly qor qyzmetkerlerine marqum qyzdyń aǵasy baıandaǵan.
"Mereke qarsańynda marqumnyń aǵasy kelgen bolatyn. Qyz sportshy ári fıtnes-trener bolǵan. 14 mamyr kúni jumystan soń úıine jalǵyz qaıtyp bara jatqan qyzdy birneshe er adam uryp-soǵyp, kúshpen kólikke otyrǵyzǵan. Kózin baılap, ony qorqytyp, túni boıy janarmaı quıý beketi mańynda ustaǵan. Kóliktegi zorlaýshylardyń biri qyzǵa qınap mefedron bergen. Onyń áıeli, balasy bary anyqtaldy. Soraqysy, adamtózgisiz uıatsyz beınejazbalar kórýge májbúrlep, birneshe ret zorlaǵan. Tańǵa jýyq jábirlenýshiden onlaın bank arqyly 2 mıllıon teńge nesıe aldyrtqan. Er adamdardyń biri bolǵan jaıtty eshkimge aıtpaýyn eskertip, qyzdy qorqytyp, qalaǵa tastap ketken", - delingen jazbada.
Zorlyq kórgen qyz oqıǵadan keıin birden qurbysyna jaǵdaıdy baıandap bergen. Qurbysy aǵasyna habarlasyp, bolǵan jerdi anyqtaýǵa kirisken. Sol ýaqytta aǵasy qaryndasyna habarlasyp, bul isti sońyna deıin jetkizetinin aıtqan. Qyz da aryz jazýǵa kelisimin bergen. Alaıda dál sol sátte, qurbysynyń kóz aldynda, terezeden sekirip ketken.
Qor bul isti Bas prokýratýranyń nazaryna alýdy surady. Aqparat boıynsha, jergilikti BAQ oqıǵany tek "qyz qulap qaza tapty" dep jarııalaǵan.
Qordyń málimetinshe, qyzdy zorlaǵan 5 kúdiktiniń tórteýi 3-4 jyl ishinde shartty túrde merziminen buryn bosap shyǵýy múmkin. Bul aqparat qoǵamda úlken alańdaýshylyq týdyrdy.
