Memleket basshysy Qasym-Jomart Toqaev "Ana tili" gazetine bergen suzbatynda Aqtaýdaǵy ushaq apaty týraly pikir bildirdi, dep habarlaıdy “Adyrna” ulttyq portaly.
Prezıdent Aqtaýda apatqa ushyraǵan ushaqtyń qara jáshigindegi derekterdi anyqtaý úshin Brazılııaǵa berý tergeýdiń beıtaraptyǵy úshin birden-bir durys sheshim ekenin aıtty.
"Jeltoqsannyń sońǵy kúnderi Aqtaý qalasynda Ázerbaıjan áýe kompanııasynyń ushaǵy apatqa ushyrady. 38 adam qaza boldy, onyń ishinde elimizdiń 6 azamaty bar. Aýyr jaraqat alǵandar da kóp. Mundaı sátte árbir sekýnd qymbat. Qutqarýshylar, dárigerler men tártip saqshylary shuǵyl ári úılesimdi áreket etti, kásibı deńgeıi men azamattyq jaýapkershiligi joǵary ekenin kórsetti. Jaqyn jerdegi Mańǵystaý óńirlik elektr toraby kompanııasynyń jumysshylary birden kómekke keldi. Tóńirektegi turǵyndar da zardap shekkenderdi qutqarýǵa atsalysty. Azamattarymyzdyń janqııarlyǵy arqasynda barynsha kóbirek adamnyń ómirin saqtap qaldyq. Men qutqarý jumystaryna qatysqan árbir adamǵa shyn kóńilden rızashylyǵymdy bildiremin. Qazaq halqynyń apattan zardap shekkenderge janashyrlyǵy men tileýlestigi azamattarymyzdyń jappaı qan tapsyrýǵa asyqqanynan da aıqyn baıqaldy. Ushaq apatynyń sebebin anyqtaý úshin Úkimet komıssııasy qurylǵanyn atap ótkim keledi. Sonymen birge 17 halyqaralyq sarapshy shaqyryldy. Onyń ishinde Halyqaralyq azamattyq avıaııa uıymynyń jáne Memleketaralyq avıaııa komıtetiniń mamandary bar. Úkimet komıssııasy málimettiń bári jazylǵan arnaıy qurylǵyny sol ushaqty jasaǵan Brazılııa eline jiberý týraly sheshim qabyldady. Bul qadam tergeý jumystarynyń obektıvti ári beıtarap júrgizilýine qajetti birden-bir durys sheshim ekenine senimdimin", - dedi Qasym-Jomart Toqaev.
Prezıdenttiń osydan bir jyl buryn da, 2024 jyly 3 qańtarda «Egemen Qazaqstan» gazetine bergen kólemdi suhbaty jarııalanǵan. Sonda Prezıdent ishki jáne syrtqy saıasat, eldiń áleýmettik-ekonomıkalyq damýy, 2022 jylǵy Qańtar oqıǵasy, turmystyq zorlyq-zombylyq, atom elektr stanııalarynyń qurylysy jáne basqa da ózekti taqyryptarǵa qatysty suraqtarǵa jaýap bergen edi.
