Keshe, 29 maýsym kúni Almatyda Germanııada qaıtys bolǵan eks-sýdıa Aıgúl Saılybaevany jerleý rásimi ótti, dep habarlaıdy “Adyrna” ulttyq portaly QazAqparat-qa siltep.
Esterińizde bolsa, Germanııada eks-sýdıa Aıgúl Saılybaevanyń máıiti zorlyq-zombylyq izderimen tabylǵan bolatyn.
Buǵan deıin 40 jastaǵy Saılybaeva Astananyń Saryarqa aýdanynda sýdıa bolyp qyzmet atqaryp, keıin Germanııanyń batysyndaǵy Benshaım qalasynda kúıeýi, qyzy jáne enesimen birge turǵan.
Aǵasy Janat Saılybaevtyń aıtýynsha, marqum 4 maýsym kúni tańerteń qyzyn balabaqshaǵa aparǵan. Sodan keıin ony eshkim kórmegen. Keıin onyń denesi qala shetindegi Erlache karerinen tabyldy.
Nemistiń BILD basylymynyń habarlaýynsha, máıit polıetılendi pakette bolǵan, al áıel ólim aldynda zorlyq-zombylyqqa ushyraǵan. Tergeýge Gessen federaldy shtatynan 35 tergeýshi qatysýda.
Otandasymyzdyń shetelde joǵalyp ketkeni týraly aǵasy Qanat Saılybaev habarlaǵan edi. Ol qaryndasynyń buryn turmystyq zorlyq-zombylyqqa qatysty shaǵymdanǵanyn jetkizdi.
