Jelide tanymal dáriger-bloger Balnur Qoshanova áıelderge jasalatyn turmystyq zorlyq-zombylyqqa qatysty kózqarasymen qazaqstandyqtardyń ashýyn týdyrdy. Onyń oıynsha, áıelder kúıeýi ursa da barynsha shydamdylyq tanytýy kerek, dep habarlaıdy “Adyrna” portaly Total.kz saıtyna silteme jasap.
«Sońyna deıin shydamdy bolyńyz. Allaǵa unamaıtyn eń jaman nárse - ajyrasý. Erli-zaıyptylardyń arasynda ne bolatynyn eshkim bilmeıdi, tek ózińiz ǵana. Áıel 5000 sóz aıtsa, al erkek sonyń 20-syn ǵana aıta alady, sodan keıin sózi taýsylǵanda, judyryǵyn jumsaıdy. Ol jaıdan-jaı urmaıdy, ár nárseniń sebebi bar. Al balalar she? Janynda ata-anasy bolmasa, balalar baqytty bola ma?» - deıdi Qoshanova vıdeoda.
Bul ustanym qoldanýshylardyń narazylyǵyn týdyrdy.
Jelide týǵan heıtten keıin bloger turmystyq zorlyq-zombylyqqa qatysty aıtqan óz pikirin óshirip tastaǵan kórinedi. Keıin ol jańa jazba jarııalady.
«Men shydaǵanyńsha shyda dedim. Óltirip, kók ala qoıdaı bolǵansha shyda demedim. Ókinishtisi kóbi solaı túsinipti. Ekeýińdi eshkim kúshtep qosqan joq. Sondyqtan úshinshi adam aralaspaýy kerek. Tipti psıholog. Ózińe jaýapkershilik alyp úıren», - dep jazady Qoshanova óz pikirin rastaı otyryp.
Balnur Qoshanova – kásibı dáriger, gınekolog-endokrınolog, onyń Instagram jelisinde 500 myńnan astam jazylýshysy bar.
