Grekııada otshashýdan soń ormandy órtegenderdiń arasynda baı qazaqstandyq sheneýnikterdiń bolǵany anyqtaldy, dep habarlaıdy "Adyrna" ulttyq portaly Azattyq rýhyna siltep.
Orman órti kezinde kúdikti bolǵan olıgarhtyń biri - Forbes tiziminde Qazaqstandaǵy eń baı elýliktiń ishinde 21 orynda turǵan Danııar Abylǵazın.
Sybaılas jemqorlyq pen uıymdasqan qylmysty zertteý ortalyǵynyń málimetinshe, «Persefonı I» ıahtasynyń ishinde 7 qazaq bolǵan eken. Iahta qonaqtarynyń arasynda olıgarh Danııar Abylǵazın, Halyq Banktiń bas dırektory Úmit Shaıahmetova, onyń kúıeýi KMG International NV ulttyq munaı kompanııasynyń burynǵy top-menedjeri Beıimbet Shaıahmetov jáne olardyń qyzy bolǵan.
Sheteldik BAQ betterinde Grek araly órtengen kúnnen keıin bıznesmenniń jeke ushaǵy Afına áýejaıynan Almatyǵa ushyp ketkeni aıtylýda. Sot qujattary kórsetkendeı, bortta Abylǵazınniń uly men áıeli Aıdan Súleımenova jáne taǵy basqa da laýazymdy adamdar da bolǵan.
22 maýsymda Gıdra aralyndaǵy orman órti 300 myń sharshy metr jerdi sharpyǵan. Grekııanyń Ulttyq órt sóndirý qyzmeti oqıǵa ornynda 13 grekti ustaǵany da habarlandy.
