Premer-mınıstrdiń orynbasary sý tasqynynan zardap shekkenderge kimderdiń qarajat aýdaratynyn atady, dep habarlaıdy "Adyrna" ulttyq portaly.
Úkimet otyrysynda Qanat Bozymbaev sý tasqyny saldaryn joıýǵa demeýshilik kómek kórsetetin olıgarhtardyń esimin aıtty.
«Ózderińiz bilesizder, bıznes ókilderi demeýshilik mindetemelerdi ózderine alyp otyr. Biz óńirler úshin tizim jasap bekittik», - dedi Bozymbaev.
Sý tasyǵan óńirlerge aqsha bólgen bıznesmender qatarynda birinshi prezıdenttiń kúıeý balasy bar ekeni belgili boldy.
«Qazirgi ýaqytta Atyraý oblysy boıynsha sý tasqyny saldaryn joıý (onyń ishinde turǵyn úıdi qalpyna keltirý boıynsha) T. Qulybaevtyń jáne Raqyshevtyń bir top kompanııalary kómek kórsetedi», - dedi.
Sonymen qatar, ol búginde 20600 otbasy birjolǵy tólem alǵanyn aıtty.
«Búgingi tańda 20 600 otbasy 100 aılyq eseptik kórsetkish mólsherinde birjolǵy tólem aldy. Tólengen qarajattyń jalpy somasy - 7,5 mlrd teńge. 680 otbasy keltirilgen materıaldyq shyǵyn úshin 362 mln teńge somasynda ótemaqy aldy», - dedi Qanat Bozymbaev.
Aqmola oblysy boıynsha zarap shekkenderge kómek kórsetýdi – Integra Construction (V.Kım) jáne «RG Gold»; Aqtóbe oblysy boıynsha – «Bolat Ótemuratov qory», «BI Group» AQ jáne «ERG» kompanııalar toby; Batys Qazaqstan oblysy boıynsha – «Astana motors» kompanııalar toby, «BI Group» AQ, «Jusan» bank, «Bank entr kredıt» AQ, «QazAzot» JShS, KPO mindettemelerdi alǵan. Al Qostanaı oblysy boıynsha – «ADD Capital», «ERG», «Allıýr» jáne «AgromashHoldıng», «Bazıs-A», sondaı-aq «RG Brands» kompanııalary; Soltústik Qazaqstan oblysy boıynsha – «Qazaqmys» korporaııasy, «Kaspı.kz» AQ, «KAZ Minerals» toby demeýshilik kómek kórsetedi.
