Grekııada shyqqan órtke sebepkerlerdiń biri qazaqstandyq bıznesmenderdiń biri ekeni aıtyldy, dep habarlaıdy "Adyrna" ulttyq portaly "Chemodan gossekretov" telegram arnasyna siltep.
Sheteldegi órtke aparyp soqqan otshashýdy atqandardyń arasynda Danııar Ábilǵazın bolýy yqtımal. Telegram arna aqparatynsha, otshashý ushyrylǵan ıahtany Ábilǵazın jalǵa alǵan. Grekııanyń ishki ister mınıstrligi jáne Qazaqstannyń syrtqy ister mınıstrligi aqparatqa qatysty eshqandaı túsinikteme bermedi.
Aıta keteıik, Danııar Ábilǵazın Forbes tiziminde 380 mıllıon dollar baılyǵymen 21-shi orynda tur.
Ol otbasymen birge "Sinooil" JShS (Sinooil JMQS jelisi), "PetroRetail" JShS (QAZAQOIL JMQS jelisi) jáne "Petroleum" JShS, "Dostyk Gas Terminal" JShS, "Standart Petroleum" JShS qatysatyn "Mercury Service Company” JShS úlesterine ıe. Odan bólek, Add Invest Properties kompanııasy arqyly Qulybaevtarmen birge Keruen city Astana SOO, Keruen SOO, Talan Towers SOO jáne Astanadaǵy "Turan 18" BO, Atyraý Baizaar mall SOO jáne Keruen City Aktobe SOO basqarady. Ábilǵazınder "Aıala" qaıyrymdylyq qorynyń quryltaıshylary sanalady.
Eske sala keteıik, buǵan deıin Grekııada orman órtengeni týraly aıtylǵan bolatyn.
