Taraz metallýrgııa zaýytynan órt shyqty. Bul týraly búgin, 21 maýsym saǵat 02:55-te Tótenshe jaǵdaılar mınıstrligi málimdedi, dep habarlaıdy “Adyrna” ulttyq portaly.
Aqparatqa sáıkes, jalyn 80 sharshy metr aýmaqty sharpydy.
Órt sóndirýshiler metallýrgııa zaýytyndaǵy otqa oranǵan transformatordy sóndirdi.
Búgin túnde Taraz qalasyndaǵy metallýrgııa zaýytynyń aýmaǵynda joǵary voltty transformator jandy.
”Órt sóndirý jumysyn transformatordyń bagyndaǵy 60 tonna maı qıyndatty. Qutqarýshylardyń úılesimdi is-qımylynyń arqasynda tilsiz jaý jaqyn mańdaǵy transformatorlar men zaýyt ǵımaratyna taralmady. TJM kúsh-quraldary otty sóndirdi”, delingen habarlamada.
Zardap shekkender joq. Órttiń sebebi anyqtalyp jatyr.
