Aqtóbe oblysy Alǵa qalasynda elektr stanııasy órtendi. Bul týraly QR TJM-niń Telegram arnasynda jarııalandy, dep habarlaıdy “Adyrna” ulttyq portaly.
Málimet boıynsha, búgin saǵat 09: 39-da Alǵa aýdanynyń №6 órt sóndirý bóliminiń «101» pýltine Aıymbetov kóshesindegi Alǵa elektr stanııasynyń ashyq jalynmen janýy týraly aqparat kelip túsken. Shaqyrý ornyna 18 qutqarýshy jáne 4 birlik tehnıka jiberildi. Zardap shekkender joq.
“Oqıǵa ornyna qutqarýshylar kelgennen keıin ǵımarattyń kireberis qaqpasynyń esigin buzyp ashý júzege asyryldy. Órtti sóndirý barlyq qaýipsizdik erejelerin saqtaı otyryp, kóbikpen júzege asyryldy. Órtti sóndirý barysynda qutqarýshylar órttiń kórshiles qosalqy stanııa sekııalaryna taralý qaýpi joıyldy. Aldy ala derekter boıynsha órt alańy 50 sharshy metr. Órt 10 saǵat 29 mınýtta oqshaýlanyp, 10 saǵat 40 mınýtta sóndirildi”, delingen habarlamada.
Órttiń shyǵý sebebi anyqtalýda. Aqtóbe oblysy TJD órt qaýipsizdik erejelerin qatań saqtaýdy suraıdy.
