Búgin 19-mýsym kúni Almaty qalasynda ornalasqan Ál-Farabı atyndaǵy Qazaq Ulttyq ýnıversıtetiniń aldynda 11-synyp oqýshysy kóz jumdy.
Kýágerlerdiń sózinshe, oqıǵa 16:00 shamasynda ýnıversıtet aýmaǵynda oryn alǵan. Almaty qalasyndaǵy jalǵyz UBT tapsyrý ortalyǵy bolyp sanalatyn Qazaq Ulttyq Ýnıversıtetinen synaq tapsyryp shyqqan. 11-synypty aıaqtaǵan oqýshylar sýburqaqta sý shashyp oınaǵan kórinedi. Oıyn barysynda balanyń aıaǵy taıyp qulaǵan.
Beıresmı málimetterde, sýburqaq ishindegi elektr toǵy qatty soǵyp balanyń júregi toqtap qalǵan kórinedi. Marqumnyń janyndaǵy eki dosy kómek kórsetýge tyrysqan. Alaıda qaıtys bolǵan oqýshynyń denesi aýyr bolǵandyqtan sýdan alyp shyǵý ońaıǵa soqpapty. Jasóspirimder alǵashqy kómek kórsetýge úlgermegen degen aqparat taraýda.
Jedel-járem kóligi QazUÝ qalashyǵyna kiretin tike jol bolmaǵan soń, uzaq tejelip turýǵa týra keldi. Oqıǵa oryn alǵan soń shamamen 1 saǵatta jedel-járdem men tártip saqtaý qyzmetkerleri kelip jetken. Máıittiń ústin jaýyp, tekseristen ótkizgen soń ýnıversıtet aýmaǵynan alyp ketti. Marqumnyń aǵasy da oqıǵa ornyna jetip, óz kózimen kórdi.
BAQ málimetinshe, ál-Farabı atyndaǵy Qazaq Ulttyq Ýnıversıteti aýmaǵynda qaıǵyly oqıǵa aldynda mektep túlekteri sýburqaqta shomylýǵa bel býǵan. Ázirge ólimniń naqty sebebi ne bolǵany belgisiz.
Kóz jumǵan balanyń ýnıversıtet stýdenti emestigi aıtyldy. Qaıǵyly oqıǵaǵa qatysty qalalyq PD:
«Bul fakti boıynsha tergeý bastaldy. Sot-medıınalyq saraptama taǵaıyndaldy», - dep jaýap berdi.
Farıza Nurbolatqyzy
