2025 jylǧy 13 jeltoqsanda, Beijıŋ uaqyty boiynşa saǧat 09:08-de «Qytai – Qazaqstan» nanosputnigı 530 km biıktıkte orbitaǧa sättı şyǧaryldy. Ǧaryştyq zertteulerge arnalǧan būl qūrylǧy Soltüstık-Batys politehnikalyq universitetı (SBPU) men Äl-Farabi atyndaǧy Qazaq ūlttyq universitetı bırlesıp äzırlegen.
Nanosputnik Ziwei Aerospace kompaniiasynyŋ «Dier-5» (Iаo-8 missiiasy) ǧaryş apparaty arqyly «Kuaichjou-11» zymyran tasyǧyşymen orbitaǧa jetkızıldı.
Aita keteiık, 2024 jyly QazŪU men SBPU mikrosputnikterdı zertteu baǧytynda bırlesken ǧylymi jūmystar jürgızu turaly kelısımge qol qoidy. Būl kelısım Qazaqstan Respublikasynyŋ Prezidentı Qasym-Jomart Toqaev pen Qytai Halyq Respublikasynyŋ Töraǧasy Si Szinpinnıŋ resmi sapary kezınde kelısılgen bolatyn.
Nanosputnik bırneşe negızgı mındetterdı jüzege asyrady: maqsattardy joǧary tūraqtylyqpen manevrlı baqylau, ikemdı sensorlarǧa negızdelgen platforma orientasiiasyn dinamikalyq qabyldau jäne kompensasiialau, sonymen qatar OpenHarmony aşyq bastapqy kody bar operasiialyq jüiege negızdelgen qaşyqtyqtan zondtau keskınderın avtonomdy tanu.
Äzırlemenıŋ tört basty artyqşylyǧy bar: kommersiialyq komponentter men innovasiialyq dizain arqyly joǧary ekonomikalyq tiımdılık; joǧary tūraqtylyq pen däl baǧyttau; orientasiia qatelerın beiımdelgen türde kompensasiialauǧa arnalǧan joǧary esepteu quaty; derekterdı Jerge jyldam alu jäne jetkızu üşın joǧary operativtık ärekettestık.
Joba QazŪU bazasyndaǧy SBPU filialy, «Bır beldeu – bır jol» bastamasy aiasyndaǧy ūlttyq bırlesken zertteu laboratoriiasy, Äue-ǧaryş instituty jäne İkemdı elektronika ūlttyq negızgı zerthanasynyŋ qoldauymen jüzege asyryldy.
Jobanyŋ konsultanty – akademik Huan Vei, jalpy jetekşısı – professor Iýe Siaokui, jetekşınıŋ orynbasary – QazŪU professory Zäure Baianqyzy Raqyşeva. Bırlesken zertteu tobyna Qytai men Qazaqstannan 20-dan astam maman jäne jas zertteuşı qatysty.
Būl bırlesken jūmys ǧaryşty zertteu, bılıktı mamandar daiarlau jäne ortaq sputnikterdı jasau, sondai-aq, mikrosputnik arqyly Jerdı qaşyqtyqtan zertteu mümkındıgın beredı.
